قصيدة الشيخ سالم بن حرب و رد من الشاعر سلامه حمود العطار يرحمه الله

هذه القصيدة وجهها الشيخ سعود بن حرب للشاعر سلامه حمود العطار رحمه الله

يا سهيل وين اصحابنا العام يا سهيل
يوم انت رابـع طيبيـن الشهامـه

عطني خبر عنهم بكـل التفاصيـل
شف لي ابو سلمان شفي لي سلامه

نعـم الصداقـه طيبيـن التعالـيـل
تـعلله مــا خالطتـهـا نمـامـه

اما نتذكـر مـا ضيـات ومقابيـل
والا نتذكـر كاسبـيـن الجهـامـه

والا علـوم امرودمـات المخاييـل
وان شافها الشاعر يهيض بكلامـه

ان كان عني ما نحتهـم مشاغيـل
عـن قلـة الجيـه نحـط الغرامـه

رد الشاعر سلامه حمود العطار رحمه الله على الشيخ سعود بن حرب

ياسهيل خذ ردي على سعود يا سهيل
وارتاح يا سليمـان عنـك سلامـه

يا سعود جانا خطابكم مع هل الخيـل
حي الخطاب وحـي يومـه وعامـه

دامـك تعاتبنـا وترسـل مراسيـل
تمـون لـو تحكـم علينـا بغرامـه

صديقنا الصادق نعـزه عـن الميـل
وانصادقه فـوق الصداقـات قامـه

نحن صداقه جيل وانتـه لنـا جيـل
نكبـر وصاحبنـا يزيـد احتـرامـه

يا سعود يا شيال الحمـول المثاقيـل
ياللـي تقـدم للمسـيـر كـرامـه

بيتـك مهيـا للنشـامـا مداهـيـل
للي يجي مـن الشـام والا اليمامـه

والا يجي مـن غربنـا وادي النيـل
ولا يجيـك مـن الحجـاز وتهامـه

يلقـوا بيتـك حاميـات المعامـيـل
والقهوجي بجـوار صفـرك منامـه

وصينيتن يقلط بهـا شمـخ الحيـل
كم حايـلا للضيـف تركـز سنامـه

يالشيخ يابن الشيـخ وافـي الكيـل
يعيش من مثلـك يجـود بصرامـه

اقولهـا وانـا خبيـر الرجاجـيـل
لي نظرتـا ياقـل تخطـي سهامـه

وسلامتكم

» الشاعر سلامه حمود العطار يرحمه الله
» قصيدة رجال القبيله للشاعر سلامه حمود العطار يرحمه الله
» قصيدة يا حمود للشاعر سلامه حمود يرحمه الله
» خطبه للشيخ والدكتور عويض حمود العطوي جزاه الله كل خير
» قصه مؤثره جدآ ابو سالم