خوف مو طبيعي
القصة
السلام عليكم
كيف الحال اخواني
انا كتبت قصتي فقط لي اخد العضه والعبره والخوف
انا فتاه عمري 18 سنه تعرفت على واحد اكبر من بسنه عن طريق وحده من صحبات اختي الصغيره ويصير ولد عمها
كنت اكلمو بجوالي وجات فتره سحبت الوالده جوالي لانها شكت فيه
وصرت اسرق جوال ابويا واتكلم منو بالساعات من الصباح للظهر واحيان من الليل للظهر
المهم جات مره راحت عليه نومه صحيت الساعه 12 ونص الظهر وكان وقت البيت نصو يصحى
ونسيت موضوع امي وابويا كان همي الوحيد اني اكلمو او ارسل له رساله
على فكره ماكان ابدا لعب عيال كنت احبو حب الجنون مستعده لي اي شي عشانه وهو يقول انو يحبني وتصرفاتو بعض الاحيان تقول لا
المهم رحت واخدت جوال بابا طبعا مايدرو وطلعت الصاله دقت عليه وقعدت اتكلم ونسيت نفسي
شووويه
مااشوف الا امي في وجهي طبعا انا وجهي ساعتها اتلخبط يعني بلغتنا ( راح فيها او صار 6 في 7)
رميت الجوال هيا شكت من معالم وجهي اني مسويه شي
المهم قالتلي ايش عندك قلت ولا شي قالت قومي وشافت الجوال وقعدت محاضره ورى محاضره
وقالت اوعديني انها اخر مره ووعدتها واعترفتلها بكل شي
طبعا صدقت ورجع الوضع طبيعي ولا احد يدري
وبرضو رجعت اكلمو من جوال بابا المهم عدت الايام واحنا على هاذا الحال
ولمن اشوفو يجي البيت مااخرج معاه بس مره خرجت معاه بيتو
ومضاربه ورى مضاربه المهم قطعتو فتره طويله ورجعتلو
وعرفت اخوه برضاعه على وحده من اعز الناس عليه
ولد عمو على اختي الكبيره
ومرت ايام وطلعت جوال من غير ما اهلي يدرو بس اثنين من اخواتي
وقعدت بيه حوالي شهرين وهو عندي الين وزعتو لمن حسيت شك امي رجع
وحاولت اطلع واحد غيرو ما قدرت
قعدت اكلمو من اي جوال يجي في يدي ومره عالنت ومره من تيلفون البيت المهم اني اكلمو
وكان يجي البيت ويخرج من غير اي مشاكل
وقعدت 6 شهور او اكثر مااشوفو
وجبتو البيت وقعد وكانت احلى مره شفتو فيها
وقعد حوالي ساعه ولمن جاء يخرج جاء اخويه الكبير
طبعا احنا ارتبكنا ارتباك مو صاااحي
سئلني اخويه مين عندك قلت صحبتي قال: خليها تمر وانا الف ما قدرت
خليت اخويه يطلع طبعا اخويه شك
قمت جرينا على الباب وهمي كلو انو يخرج وهو سالم وما فيه شي
ونسيت انو اخويه فوق وممكن يشوفه من طاقة الغرفه وصار الي ما توقعته وشافه اخويه
وانا صرت اماطل اخويه عشان الولد يوصل سيارته ويمشي
نزل اخويه ومالقاه وقعد يحقق معايا وما اعطيته المفيد وحلفتها انو الي صار يكون بينا وليا يومين اخويه مايبي يطالع في وجهي
ونصيحه الي عندها اخو اكبر منها لا تدخل احد البيت الا لمن تتاكد من اخوها
وباااااااااااااااااااااااااااااااااي
والله يستر عالجميع وامانه تدعولي بالخير
منقول
الرئيسية 
الرئيسيه 
التسجيل 
أحدث الصور 
دخول 
