اللي يحبك حبه وافتح له الباب
حافظ على حبه واحفظ غلاته
حبه في وجوده وحبه اذا غاب
يستاهل اللي عدك اغلى امنياته
خله من الرفاقه واعز الاحباب
وادعيله الرحمن يسعد حياته
ومن هو كذا خلاك بلا اسباب
خله بكيفه يروح وانسى غلاته
اللي التعب والهم لصاحبه جاب
وبانت نوايا الغدر وبانت رداته
لاتنتظر رجعته وتعمله حساب
ضاع الوفا منه وضاعت حلاته
يستاهل تعده مثل الاغراب
ماينفعك مزيون هذي سواته
ادري الهوا صعب واحيان غلاب
وكم من حبيب الغدر كانت جزاته
وكم قلب تنزف جروحه لا طاب
والجروح هي لامن عزيزين جاته
بس الحبيب اللي يهجر بلا اسباب
ماهو انا اللي اتبعه واطلب رضاته
الرئيسية 
الرئيسيه 
التسجيل 
أحدث الصور 
دخول 
