غايب بدون أعذار .. ربِّي يجازيك عطني سبب مُقنع حبيبي .. وألمّك !

[size=12][size=25][size=29]تَعَبت أشيـل الهَم عنّك وأداريك
وإنتَ همومي ثقلَهَا .. ما يهمّك !

لا ياحبيبي ، هالزمن لا يخليك
تقسى على قلبي وتسقيه سِمّك !

[ دِنْيـَاكْ ] هذي , لا تغيِّر مباديك
مهما إستِطَعت الظُلم خلْني أضمّك !

ماهي غريبه من يذمِّك يماشيك
لكن غريبه يمدحِك من يذمّك !!

ما كل واحد غاب معناه ناسيك
بعض البشر ينساك لو كان يمّك !

أدري تعِزْني .. اللـه يعِزْ : غاليك
وإن كان لي عندك معزَّه بـ أشمّك !

في خاطري كم كلمةٍ عن تجافيك
ولا شفت دمعاتي إنزَلَت حط كمّك !

إسمك حبيبي ويا كثِرها أساميك
وقلبي يفز ، إن شاف حزنك وغمّك !

ليتك تحس في ضيقتي يوم أحاتيك
أحرق لك أعصابي .. وما حَس دمّك !

غايب بدون أعذار .. ربِّي يجازيك
عطني سبب مُقنع حبيبي .. وألمّك !

همِّك , جنونك , ضحكتك , كل ما فيك
صوتك , سكوتك , وأرجَع أقول : هـ مّك

[ لبيــه ] منِّك ، غيييير .. لمَّا أناديك
كنْ | الكلام العَذب | ... مرساه فمّك !

أبوك , خالك , إختك , أخوك , ماضيك
ربعِك ، جميع النـاس, وعيال عمّك !

شايف غلاهم ؟ والله أكثر ، أنا أغليك
واللِّي وِصَل ( نِص الغلا) يمكن أمّك !،

[/size][/size][/size]

» حبيبي ناظر عيوني عسى تلقى جواب اسرع عسى ... الدمعة على خدي تقول اللي عجز ينقال
» صور بدون تعليق
» حياتي بدون اغاني كلها معاني
» رموز واشكال للايفون 4 بدون برنامج
» كيف تطلبين النقود من زوجك بدون ما يعصب ؟؟ تعالي أعلمك